Со шарената револуција до расплет на кризата? Реалност или!!

Колкав е капацитетот на ДИК а со тоа и на другите државни институции (МВР, Министерството за правда) да направи пречистен избирачки список што е можеби прв услов за кредибилни избори во четвртокот ни објасни еврокомесарот Хан. Имено тој најави формирање на некакво меѓународно експертско тело кое ќе работи на пречистување на избирачкиот список.

И додека ја слушав веста се сетив на нашиот ни министер за надворешни работи Поповски кои деновиве во едно интервју за странски медиум храбро вели дека е добредојден странскиот ангажман за решавање на кризата ама сепак мисли дека тие (странците се мешаат малку повеќе отколку што треба и дека каква влада ќе имаме е наше внатрешно прашање. Ех човеков веќе неколку години е министер ама во абецедата на дипломатијата се уште не стигнал ниту до буквата „Д“ (латинично писмо). И додека министерот Поповски секогаш е барем „шупливо слаткоречив“ со странците, персоната „Хорхе“ кој за жал со нашите гласови е претседател на државата продолжува со своето глупирање кое ја донесе државата во една навистина крајно сериозна состојба како дома така и ви за ви меѓународната заедница. Имено тој „храбро“ изјави за странски медиум, дека ако треба повторно ќе ја направи аболицијата.

Повеќе

Нуклеарното оружје е за заштита на сувереноста на државата

Лидерот на Северна Кореја соопшти дека неговата земја нема да употреби нуклеарно оружје освен ако не е загрозен нејзиниот суверенитет. Северна Кореја прв пат изврши проба на нуклеарно оружје во 2006 откако се повлече од меѓународните договори. Оттогаш постојано се закануваше со нуклеарни напади врз Јужна Кореја и САД. Но Ким Јонг-ун на Конгресот на Работничката партија што се одржува во Пјонгјанг изјавил дека сака нормализирање на односите кои до сега ги сметаше за непријателски. Но дел од медиумите ј толкуваат дека тој испраќа нејасни пораки додека земјата е под внимателен надзор и се подготвува за нова нуклеарна проба.

ШТО НАРОД ЌЕ БЕВМЕ?!

Навистина човек се прашува онака народски, што држава ќе бевме, што народ ќе бевме? Ама тоа што посебно треба да се прашаме е како е можно после 25 години на “самостојност“ на “политички плурализам“, “парламентарна демократи“ и после оние силни милијарди кои Отвореното општество на Сорос,  фондациите Конард Аденауер, Фридрих Еберт, потоа Вестминстерската Фондација од Британија НДИ од САД ( наброив само оние со најдолг стаж кај нас) ние сме на ова дереџе односно веќе две години живееме во целосна криза. Да потсетам кризата  започна со непризнавање на изборните резултати во 2014 година,  па преку бомбите на Заев и големите демонстрации лани стигнавме  до договорот од Пржино, а еве сега сме во фаза на Шарена револуција. Повеќе

Народот на избори-граѓаните на протести

И така го преживеавме и 11 мај. Денот до кој според роковникот на ДИК требаше да се поднесат листите за кандидати за пратеници. ВМРО-ДПМНЕ поточно „фамилијата“ во својата трагикомична балканска драматургија листата ја поднесе половина час пред полноќ. Демек ете до последен момент се думале што да прават. Ама трагичност е во фактот што на овој начин партијата ВМРО-ДПМНЕ едноставно се самоуништува за да се спаси „фамилијата“ која не сака да ја прифати реалноста. Од друга страна комичност се гледа во фактот што уште две партии Социјалдемократската (Шекерова) партија и Народното движење за Македонија, односно до вчера сателити на ВМРО-ДПМНЕ сега како самостојни субјекти настапуваат на „изборите“ закажани за 5 јуни.

Ајде да одиме по ред. Како можат „изборите“ на 5 јуни да бидат легитимни (легални формално ќе бидат) ако на нив не учествува ниту една политичка партија на Албанците. Иако пред се од медиумите и новинарите на „фамилијата“ познати како патриоти (лукративни) нон стоп не плашат дека СДСМ и Заев ете ќе ја продаделе државата на Албанците, во суштина ваквото однесување на лидерот на ВМРО-ДПМНЕ им оди на рака на радикалните структури во албанската заедница. Понатаму на изборите не учествува ниту СДСМ, односно тројца од четворицата потписници на Договорот од Пржино нема да учествуваат на изборите на 5 јуни. Само по себе се наметнува дилемата дали со овој потег Груевски ќе се ценка за својата „кожа“ и нормално за кожата на „фамилијата“ во смисла еве јас ќе прифатам одлагање на изборите ама да остане аболицијата. Ама крајно време е на Груевски некој да му каже дека според онаа народната „есапот дома и на пазар никогаш не излегува“.

Повеќе

Шарената револуција – goes on

И така нашиот „павлиха претседател“ (павлиха е словенечки израз и најблизок превод би било дворски шут) продолжува со своето однесување како павлиха. Трагично е дека во четвртокот при постухумното доделувањето на одликувањата на загинатите припадници на безбедносните сили на МВР најбезобразно се обиде трагичната смрт на овие осуммина храбри луѓе да ја инструментализира во актуелната длабока политичка криза. Повторувајќи, веќе не знам по кој пат дека ни треба единство и да се сплотиме околу државните интереси оваа павлиха од човек ќе рече “Оттука нивната жртва е влог кон иднината и помирувањето на Македонија“. Да ја прашам оваа персона (за која без трунка скромност уште кога прв пат го кандидираа за претседател напишав дека е една потпросечна личност и политикантски конвертит),  дали овие осуммина храбри полицајци како и оние над триесетина ранети не се жртви на неспособноста на одредени институции задолжени за безбедноста на државата. Повеќе

Изложба на олд тајмери

Денеска во Скопје на просторот пред општината Центар се одржа изложба на олд тајмери. На изложбата на која учествуваа претставници од државата потоа од соседството (Србија, Бугарија, Косово) беа изложени автомобили и мотори. Навистина во една пријатна и опуштена атмосфера можеше да се видат автомобили од дваесетите години на минатиот век а исто така имаше и неколку мотоцикли од тие години. Секако тука беше и популарното „Фиќо“ и тоа од најстарото беше од 1963 година. Во секој случај убаво организирана манифестација која понуди можност за да се помине неколу часа во една опуштена атмосфера во која младите зачудено го доживуваа на пример легендарното Фиќо или моторот со приколка додека ние постарите малку со носталгија се сеќававме на тие убави денови.

БАЛКАНСКИ ПАРЛАМЕНТАРИЗАМ

СДСМ отвора уште поголем простор на актуелната власт да си владее по свое, плус за тоа да има поддршка од некаква си конструктивна опозиција

Искрено речено, ниту малку не ме изненади одлуката на ЦО (Централен одбор) на СДСМ со која се прифаќа предлогот на претседателот Заев и извршниот одбор да се вратат добиените 34 мандати. Или, речено со едноставни зборови, СДСМ нема да влезе во новиот парламентарен состав. Причина за ваква одлука, според СДСМ, се недемократските, нефер и криминални избори, па затоа СДСМ не сакаат со своето присуство во парламентот да дадат легитимитет на оваа криминална власт. Браво СДСМ. Браво Заев, браво Шекеринска. Ама ако е тоа така, дозволете едно „наивно“ прашање до вас. Зар сега кога освоите само 34 пратенички места, ви се запали светилката дека оваа власт е авторитарна, криминална и уште не знам што. Патем, барем ако редовно го читавте „Утрински“, поголем број од колумнисти вклучувајќи ја и мојата дребност, постојано пишуваме за авторитарноста и недостигот од демократија кај нас. Повеќе

pendarov2000@yahoo.com